დედამიწა კოსმოსიდან - პირდაპირი ჩვენება

დაიცადეთ 1-2 წუთი და თავისუფალ ადგილზე გამოსახულება გამოჩნდება

თქვენ შეგიძლიათ იხილოთ დედამიწის გამოსახულება კოსმოსიდან.
გამოსახულების მიღება ხდება საერთაშორისო კოსმოსურ სადგურზე დამონტაჟებული გარეთა ვიდეოკამერების საშუალებით.
შესაძლებელია გაიგოთ ამერიკელი ან რუსი ასტრონავტების საუბარი. როცა ასტრონავტები ხომალდიდან ღია სივრცეში გამოდიან - ჩვენება ხდება მათ სკაფანდრებზე დამონტაჟებული ვიდეო კამერების საშუალებით. შესაძლებელია გამოჩნდეს თავად კოსმოსური სადგურის გამოსახულებაც. არის შემთხვევები, როდესაც ეკრანზე ჩანან თავად ასტრონავტებიც
ვინაიდან სადგური სრულ ბრუნავს დედამიწის გარშემო ასრულებს 90 წუთში ერთხელ, ამიტომ ასტრონავტები მზის ამოსვლას და ჩასვლას აკვირდებიან ყოველ 45 წუთში
დღის განმავლობაში ხდება გამოსახულების დაკარგვაც - ასეთ შემთხვევაში ეკრანზე იქნება სურათი ან NASA TV -ის გადაცემა

შეგიძლიათ ნახოთ სად იმყოფება ამჟამად კოსმოსური სადგური

მცირე ისტორია

_
საერთაშორისო კოსმოსური სადგური არის საერთაშორისო პროექტი, რომელიც მოიცავს რამოდენიმე პროექტის სინთეზს. ესენია: აშშ-ს Freedom, რუსეთის Мир-2, გაერთიანებული ევროპის Columbus და იაპონიის Kibō.
სადგურის ძირითადი მოდულები ეკუთვნით აშშ-ს, რუსეთს, ევროპის კავშირს და იაპონიას.
თავად საერთაშორისო კოსმოსური სადგური ძალზე ძვირადღირებული პროექტია და შეფასებულია 100 მილიარდი ევროს ფარგლებში.
პროექტის განხორციელება 1994 წელს დაიწყო აშშ-რუსეთის თანამშრომლობის შედეგად. სადგურის პირველი მოდული Zarya დაყენებული იქნა რუსეთის მიერ 1998 წელს. 2010 წლის მდგომარეობით საერთაშორისო კოსმოსური სადგური 13 ჰერმეტულ მოდელს შეიცავს.
ქვემოთ, ვიდეოზე ნახავთ როგორ ხდება სადგურის მოდულების შერწყმა

_სადგურზე ენერგიის გენერირება ხდება მზის 16 ელემენტის საშუალებით, რომლებიც განლაგებულნი არიან მოდულების შიდა შეერთების ადგილებში. სადგურის რუსულ მოდელში განთავსებულია კიდევ 4 მზის მომცრო ელემენტი.
სადგური იმყოფება დედამიწის ორბიტაზე სიმაღლეზე 278 - 460 კილომეტრის ფარგლებში, სადგური მოძრაობის საშუალო სიჩქარეა 27 724 კილომეტრი საათში. ამ სიჩქარით სადგური დღეში 15,7-ჯერ გაივლის დედამიწის ორბიტას