წელისათვის 01/16/2012
დიეტა კვებითი რაციონიდან ამოიღეთ შოკოლადი და პუდინგი, მიიღეთ მეტი წყალი და ახალი ხილი. საუზმე (აირჩიეთ ერთ-ერთი ვარიანტი) ა) საშუალო ზომის ნესვის ნახევარი, 100 გ ყველი ბ) 25 გ დაუმტკბარი ბურბუშელა, 1 ცალი ვაშლი. სადილი (აირჩიეთ ერთ-ერთი ვარიანტი) ა) საშუალო ზომის ნესვის ნახევარი, 150 გ თევზი (გრილზე მომზადებული), ბროკოლი, კომბოსტო. ბ) უხეშად დაფქვილი ფსქვილისაგან დამზადებული პურის ორი ნაჭერი, დაბალკალორიული ბოსტნეულისაგან მომზადებული სალათა, 50 გ ქათმის ხორცი (კანგაცლილი), 35 გ დაბალკალორიული ყველი. ვახშამი (აირჩიეთ ერთ-ერთი ვარიანტი) ა) 125 გ ნაკლებცხიმიანი სტეიკი (გრილზე მომზადებული), 50 გ ბარდა, მოშუშული პომიდორი ბ) 75 გ ცივად მოხარშული ხორცი (ნებისმიერი), შერეული სალათა გ) 125 გ დაბეგვილი, გრილზე მომზადებული ღორის ხორცი, შერეული სალათა.  ვარჯიში იმისათვის რომ გქონდეთ ლამაზი წელი, ყველაზე უკეთ ამაში ცეკვა დაგეხმარებათ. გარდა ამისა, რეკომენდებულია შემდეგი ვარჯიში: ფეხები დადგით მხრების სიგანეზე, ხელები დაიწყვეთ კეფაზე. გადადაიხარეთ წინ და მარჯვენა იდაყვით შეეხეთ მარცხენა მუხლს. გასწორდით და კვლავ დაიხარეთ,ისე, რომ მარცხენა იდაყვით შეეხოთ მარჯვენა მუხლს. გაიმეორეთ ეს ვარჯიში 10-ჯერ. Add Comment მუცლისათვის 01/16/2012
დიეტა დიეტა დაგეხმარებათ, რათა თქვენი მუცელი იყოს ბრტყელი და მკვრივი. დგომისა და წოლის დროს ის ერთნაირად უნდა გამოიყურებოდეს. პირველ რიგში კვების რაციონიდან გამორიცხეთ მარილი და შეამცირეთ ისეთი პროდუქტების მოხმარება, რომლებიც ზრდიან მუცელს – თეთრი პური, ბისკვიტი, ნამცხვარი. ეცადეთ, რომ საკვები მიიღოთ რეგულარულად, მცირე ულუფებით. რაციონში საკმარისად უნდა იყოს ფორთოხალი, ლიმონის წვენი, სალათა. დალიეთ ნაკლები ყავა, მაგრამ მეტი – წყალი. საუზმე – (აირჩიეთ ერთ-ერთი ვარიანტი): ა) 1 ჭიქა დიეტური იოგურტი, 1 ცალი ფორთოხალი; ბ) 1 ცალი თოხლოდ მოხარშული კვერცხი, 2 ნაჭერი პური სადილი: 250 გ ქათმის ხორცი (კანგაცლილი) ან თევზი, შერეული სალათა ვახშამი: გრილზე მომზადებული 1 ბიფშტექსი, 75 გ მოხარშული ლობიო, 1 ცალი ფორთოხალი. სადილი და ვახშამი შეგიძლიათ შეუნაცვლოთ ერთმანეთს. წასაუზმება(დღეში 2-ჯერ) – 1 ცალი შოკოლადის ბატონი, უცხიმო სუფი.  ვარჯიში დაჯექით სკამზე; ზურგი გაასწორეთ. მუხლები გაწიეთ, ფეხისგულები მიაბჯინეთ იატაკს. ხელები გაჭიმეთ წინ, ნიკაპი დაუშვით, ამოისუნთქეთ, დაჭიმეთ მუცლის კუნთები და ნელა დაიხარეთ იატაკისკენ. ჩაისუნთქეთ, ამოისუთქეთ და დაბრუნდით საწყის მდგომარეობაში. ვარჯიში გაიმეორეთ 5-ჯერ და თანდათანობით გაზარდეთ ნორმა. მკვრივი და ლამაზი მკერდის შენარჩუნებისთვის 01/16/2012
დიეტა მკერდი სხეულის ისეთი ნაწილია, სადაც კუნთები არაა, ამიტომ წონაში მკვეთრი დაკლების დროს შესაძლებელია მან ფორმა დაკარგოს – ჩამოეშვას და დანაოჭდეს. უმჯობესია, თუკი წონაში დაიკლებთ ნელი ტემპით, თანდათანობით. გთავაზობთ დიეტას, რომელიც გათვლილია დღეში 1500 კალორიაზე. საუზმე (300 კალორია) – რძეში გახსნილი 25 გ უშაქრო ბურბუშელა, თოხლოდ მოხარშული კვერცხი. სადილი (400 კალორია) – სენდვიჩი ქათმის ხორცით, 1 ცალი ვაშლი. ვახშამი (450 კალორია) – საქონლის ხორცისგან მომზადებული ,,მობრაწულა“, რომელსაც შემდეგნაირად მოამზადებთ: რეცეპტი გათვლილია 1 ულუფაზე და შეიცავს დაახლოებით 450 კალორიას (100 გ კარტოფილისა და 1 ცალი ფორთოხლის ჩათვლით). შემადგენლობა: 100 გ ნაკლებცხიმიანი სტეიკი; 100 გრ ახლადგაყინული ბოსტნეულის ნარევი; 2 ჩაის კოვზი ტომატის პასტა; 200 მლ საქონლის ხორცის ბულიონი; 1 ჩაის კოვზი ფქვილი, მარილი, წიწაკა. კუბიკებად დაჭრილი სტეიკი ამოავლეთ ფქვილში, რომელშიც დამატებულია სანელებლები. ხორცი გადაიტანეთ ქვაბში და ჩაამატეთ ბოსტნეული. ტომატ-პასტა. გახსენით ბულიონში და დაასხით ხორცს. მიღებული მასა შედგით ღუმელში 325°С-ზე, დაახლოებით საათნახევრის განმავლობაში. 125 გ კარტოფილი, მუნდირში მოხარშული, მწვანე ბოსტნეული. წასაუზმება (150 კალორია): 1 ბატონი შოკოლაიდი, 1 ვაშლი.  ვარჯიში ლამაზი მკერდისთვის საუკეთესო ვარჯიშია ცურვა. თუკი ამის საშუალება არა გაქვთ, გთავაზობთ: აბაზანის მიღების დროს შეასრულეთ შემდეგი ვარჯიში: მარცხენა ხელის მაჯას მოუჭირეთ მარჯვენა ხელით, ხოლო მარჯვენა ხელის მაჯას – მარცხენა ხელით; ასე ხელები დაიკავეთ მკერდის დონეზე და მკვეთრად გადაიხარეთ წინ. თუკი ყოვლედღიურად 50 -ჯერ შეასრულებთ ამ ვარჯიშს, 1 კვირაში შეატყობთ, რომ თქვენი მკერდი უფრო მკვრივი გახდა. მსუქანი ბარძაყისთვის 01/16/2012
დიეტა პირველ რიგში კვებითი რაციონიდან ამოიღეთ სპირტიანი სასმელი, ყავა და ცხიმიანი საკვები. უპირატესობა მიანიჭეთ ხილს, განსაკუთრებით კი საზამთროს – იგი ეფექტურად გამოდევნის ჭარბ სითხეს თქვენი ორგანიზმიდან. ყოველდღიურად მიირთვით საზამთრო ან ნესვი (ნახევარი) და შემდეგი სამი სახის საუზმე: ქვემოთ მოყვანილი დიეტა განკუთვნილია იმ პირებისთვის, რომელთაც ცხიმოვანი ქსოვილი პირველ რიგში უგროვდებათ ბარძაყებსა და დუნდულოებზე. დიეტის დაცვისას დადებით ეფექტს უკვე მეორე კვირის ბოლოს შეამჩნევთ. ამ დიეტით სარგებლობა მამაკაცებსაც შეუძლიათ, განსაკუთრებით კი ლუდის მოყვარულებს. როგორც ცნობილია, დღეში საშუალოდ მოვიხმართ 115 გ ცხიმს, მაშინ, როცა ადამიანის ფიზიოლოგიური მოთხოვნილება ცხიმზე მხოლოდ 12 გ-ია. ცხიმის დიდი ნაწილი იმალება მზა პროდუქტებში – კექსებში, ბისკვიტებში, ძეხვეულში და ა. შ. აღნიშნული დიეტა ხელს უშლის ჭარბი ცხიმის დაგროვებას. საერთო წესი: დალიეთ დღეში 8 ჭიქამდე წყალი, უმჯობესია უგაზო მინერალური. შეამცირეთ ყავისა და ჩაის მიღება. ჩაი უკეთესია უშაქრო და ნაკლებად მაგარი. იგივე ვრცელდება ყავაზეც. მამაკაცებმა დღიურ რაციონს უნდა დაამატონ ორი ნაჭერი პური (მსხვილად დაფქვილი ფქვილით დამზადებული) და მუნდირში მოხარშული კარტოფილი (400 კალორია) ორშაბათი საუზმე: 1 ჭიქა ნატურალური იოგურტი, 1 ვაშლი, პურის ნაჭერი მრგვალად დაჭრილი პომიდვრით. სადილი: 200 გ ქათმის ბარკალი (კანგაცლილი), ლიმონის წვენით შეზავებული შერეული სალათა (დიდი ულუფა), 1 პატარა ფუნთუშა (მსხვილად დაფქვილი ფქვილისგან მოზადებული). სამხარი: პურის ნაჭერი 2 სუფრის კოვზი მოხარშული ლობიოთი და წიწმატით. ვახშამი: ჩაშუშული ყვავილოვანი კომბოსტო 25 გ გახეხილი ედამის ყველით, მოშუშული პომიდორი, ლობიო, მოშუშული ვაშლი 1 ჩაის კოვზი მოცხარითა და 1 ჩაის კოვზი თაფლით. სამშაბათი საუზმე: 1 ნაჭერი დაბალკალორიული ძეხვი გრილზე შემწვარი, 25 გ მოხარშული სოკო, 1 ნაჭერი პური, 1 ჩაის კოვზი ჯემი. სადილი: სენდვიჩი პურის 2 ნაჭერით და 50 გ ყველით, სალათა, რამდენიმე მარცვალი ყურძენი. სამხარი: უცხიმო სუფი, პატარა ფუნთუშა (უხეშად დაფქვილი ფქვილისგან მომზადებული), 1 ვაშლი. ვახშამი: 150 გ ნებისმიერი თეთრი თევზი (ფოლგაში შემწვარი ხახვთან, მწვანე და წითელ წიწაკასთან ერთად, ზემოდან ლიმონის წვენით მოსხმული), 200 გ მუნდირში მოხარშული კარტოფილი, მწვანე ლობიო, კომბოსტო, ბროკოლი, ყაბაყი. ოთხშაბათი საუზმე: თოხლოდ მოხარშული 1 კვერცხი, 2 ნაჭერი პური. სადილი: ნესვის მოზრდილი ნაჭერი, 2 სუფრის კოვზი მოხარშული ლობიო, შერეული სალათა (დიდი ულუფა), პურის ნაჭერი. სამხარი: 1 ბანანი, 1 ჭიქა დიეტური იოგურტი ვახშამი: ნებისმიერი მზა დაბალკალორიული კერძი, მოშუშული ყვავილოვანი კომბოსტო, მოშუშული პომიდორი, მწვაენ ლობიო, პატარა ჭიქით – მშრალი ღვინო. ხუთშაბათი საუზმე: დაბრაწული პური, 2 სუფრის კოვზი ყველი, 1 პომიდორი. სადილი: ფხვიერი ფუნთუშა სალათით და 50 გ ნაკლებცხიმიანი ვიჩინით, 1 ვაშლი. სამხარი: 90 გ ტუნეცი, საკუთარ წვენში, შერეული სალათა (დიდი ულუფა), 2 ნაჭერი პური.  ვარჯიში დაწექით ზურგზე, ხელები ტანის გაყოლებაზე, ხელიგულებით ქვემოთ. აწიეთ მარცხენა ფეხი ზემოთ, მცირედ მოხარეთ მუხლის სახსარში და გადახარეთ მარჯვნივ, ისე რომ შეეხოთ იატაკს. დაბრუნდით საწყის მდგომარეობაში, ნელა გაშალეთ მუხლი. იგივე მოქმედება გააკეთეთ მარცხენა ფეხით. ვარჯიში გაიმეორეთ 10-ჯერ. დუნდულოებისათვის 01/13/2012
დიეტა ეცადეთ გადახვიდეთ დაბალკალორიულ კვებით რაციონზე; საკვები მიიღეთ მცირე ულუფებით და განსაზღვრულ სააათებში. ყოველთვის გახსოვდეთ, რომ თქვენთვის მავნეა მაგიდასთან დიდხანს ჯდომა. რეკომენდებულია 5-ჯერადი კვება; მენიუ თავად უნდა შეადგინოთ, ქვემოთ მოყვანილი ჩამონათვლის მიხედვით: ა) თოხლოდ მოხარშული კვერცხი, პურის ნაჭერი, მოშუშული პომიდორი; ბ) უცხიმო სუფი, ორი ნაჭერი პური, 100 გ ყველი; გ) გრილზე მომზადებული ქათმის ბარკალი (კანგაცლილი), შერეული სალათა, პატარა ფუნთუშა; დ) 175 გ მუნდირში მოხარშული კარტოფილი, შერეული სალათა, 2 სუფრის კოვზი მოხარშული ლობიო  ვარჯიში ყოველთვის ეცადეთ, რომ თუკი ქვემოდან რაიმეს აღება გსურთ, არ დაიხაროთ, ჩაიცუცქეთ და ისე აიღეთ. სცადეთ 10-ჯერ ჩაჯდომა და ადგომა. დაჯექით მაგარ სკამზე და დაჭიმეთ დუნდულა კუნთები, მოდუნდით და კვლავ დაჭიმეთ; ეს ვარჯიში გაიმეორეთ 50-ჯერ დღის განმავლობაში. რეკომენდებულია შემდეგი ვარჯიში: დაწექით ზურგზე, მუხლები აწიეთ, ტერფები გაწიეთ მხრების სიგანეზე, ხელები დააწყვეთ ტანის გასვწრივ, ხელიგულებით ქვემოთ. დაძაბეთ დუნდულოების კუნთები და აწიეთ ბარძაყები ზემოთ, შემდეგ ჩამოწიეთ ქვემოთ და ასე გაიმეორეთ 10-ჯერ ზედიზედ. | 
დიეტები და ვარჯიშები
All |
